EDEk, erakunde gisa, ingurumen-jasangarritasunarekin duen konpromisoa gure aldaketa-ikuspegian islatzen da. Izan ere, “gizarte jasangarri bat lortu nahi dugu, planeta zaindu eta pertsona guztiak zaindu eta barnean hartzen dituena, eskubide desberdinak eta berdinak dituztenak, partaidetzatik eta guztion ondasunaren zerbitzutik erantzunkidetasunez eraikiak”. (EDE Fundazioaren Inpakturako Estrategia, 2024).

EDE Euskadiko Hirugarren Sektore Sozialeko erakundeetako bat da, Euskadi 2030 Gunean jatorritik integratua. Duela gutxi egindako NOW 2030 proposamenean ere parte hartu dugu, eta Garapen Jasangarriko Helburuen aldeko Euskal Aliantzarekin bat egitea berritu dugu, “2030 Euskadi Agenda Kontratu Sozial baterako” adierazpenaren bidez.

Zehazki, EDEren eraikinaren berrikuntzan, gizarte- eta ingurumen-konpromiso horren hiru jarduera nabarmendu nahi ditugu:

  • Eraikinaren inguratzaile termikoaren efizientzia energetikoa hobetzeko egindako inbertsioa, E kalifikaziotik A kalifikaziora pasatuz.

Inbertsio horri esker, Energia Aurrezteko Ziurtagirien Sistemaren (EAE) bidez CO2 isurien aurrezpenaren balorizazio-prozesua has dezakegu.

  • Eraikinaren jardueraren karbono-aztarna (1., 2. eta 3. irismenak) ezagutzeko adierazleak biltzeko aginte-taula bat diseinatu dugu, eta ezagutza horretatik abiatuta, murrizketa eraginkorreko neurriak ezarriko ditugu. Karbono-aztarnak berotegi-efektuko gasaren (BEG) emisio zuzen eta zeharkakoen kopurua identifikatzen du, edozein jardueraren ondorioz atmosferara askatzen direnak.
  • Azkenik, EDE eraikinak teilatu berde bat du (“green roof”). Topagune kultural eta soziokomunitarioa izango da, eta Bilboko erdigunean kokatuko den gisa horretako lehen guneetako bat izango da. Bertan honako hauek egongo dira: lorategi bat landare autoktonoekin, hegaztien habiak, intsektuen hotelak eta gainera, ingurune urbanoetan ingurumen-jasangarritasuneko prestakuntza-jarduerak egingo dira. Horrez gain, Guruzu jatetxeak baratze txiki bat izango du bertako jakiak prestatzeko.