Memoria. Eraikina lehen azal hori bezala. “AZALAREN MEMORIA: Azalak sentitu, gogoratu eta kontatu egiten du“.
“Azala, kanpokoaren eta gure barneko identitate fisikoaren arteko muga gisa, norberaren eta besteren gorputzaren kontzientzia gisa, metaforikoa, gure oroimena da, haurtzaroa: geure burua moldatzen dugun leku hori”. Hundertwasser
Dokumentalari “Hirugarren azala” deitzearen ideia Hundertwasser-en 5 larruak teorian du jatorria. Arkitekto eta artistak planteatu du gaeu bost geruza horiek eginak bagarela. Lehenengoa gure azala da, epidermisa.
Azala birsortzeko gai den organo sentsoriala da, giza gorputzeko handiena, edukiontzi fisiko bat, ezkutu immune eta iragazgaitza, erresistentea eta malgua. Azala elastikoa da, luzatu egiten da eta normaltasunera itzultzen da, arnasa hartzen du eta 24 orduz aktibo egoten da.
Azala funtsezkoa da, kanal horren bidez sentitzen dugu, ukimena aktibatzen da, emozioak, sentsazioak… agerian uzten ditugu, azalak hitz egiten du, bere hizkuntza du.
Kanpoko munduarekiko muga zehazten duen elementua da. Gure barruko ispilu bat da. Gure nia irudikatzen duen azala, kontzientzia indibiduala. Kanpoaldearekin konektatzeko aukera ematen duen gure azal sentsoriala.
Epidermisa barneko nitik hurbilen dagoena da. Azalak memoria irudikatzen du. Jasotzen ditu gure iragana, ibilbidea, esperientzia, garena. Azalak sentitu, gogoratu eta kontatu egiten du.
EDE Fundazioaren azala, Simon Bolivar gure eraikinak sinbolizatua, lau hamarkadatan eraldatu da, gizarte-erronkei erantzunez, eta eguneratu egin da aldaketa inklusiboak eta iraunkorrak sortzeko.
Dermisak egitura eta elastikotasuna ematen dizkio azalari, eta espazio fisikoa erakundearen Misiora egokitzen joan da. Horrela, 40 urte hauetan zehar, horma altuak eraitsi dira, kanpoko hormak ireki dira eta leihoak eta balkoiak zabaldu dira komunitatearekin lotzeko. EDEren hipodermisak, barruko hormak eta tabike ikusezin bihurtu ziren, modu gardenagoan lan egin, hitz egin, bizi eta ibili ahal izateko.
Orain gure azala erabat berritzen dugu, behar berriei hobeto erantzun ahal izateko.
Horma zati bakoitzak, larru zati bakoitzak, EDE Fundazioaren historia, sentimendua, desioa, misioa eta lana kontatzen ditu. Memoriari esker oraina ulertzen dugu eta etorkizunerantz proiektatzen gara, garena errespetatuz.
Azalak sentitu, gogoratu eta kontatu egiten du.
